Syracusa ®

Umumiy tavsifi:

Olmada qizil qon bitiga qarshi va uzumda fillokseraning ildiz shakllariga qarshi qo'llash uchun sistemali ta'sir etuvchi insektitsid.

So’ruvchi zararkunandalarga qarshi neonikotinlar sinfiga mansub sistemali ta’sir etuvchi insektitsid.

Ta'sir etuvchi moddasi: Tiametoksam 25% (250gr/L).

Preparat shakli: Suspensiya konsentrati.

Xavflilik darajasi: III –sinfiga oid (o'rtacha xavfli birikma).

Qadog'i: 1L

Qo'llanilishi:

Syracusa insektitsidining ta'sir etuvchi moddasi, Tiametoksam neonikotinlar kimyoviy sinfiga mansub bo'lib, urug'larni ishlov berishda ko'p qo'llaniladi. Tiometoksam ta'sir etish mexanizmi bo'yicha boshqa kiruvchi preparatlar fosfororganik, karbamat, peretroidli preparatlar o'rnini bosuvchi vositadir. Tiometoksam o'simlik tanasiga bir maromda tarqaladi va doimiy harakatda bo'ladi, bu esa o'z navbatida barcha so'ruvchi zararkunandalarga qarsh tez ta'sir qiladi.

Afzalliklari:

• Ko'p turdagi so'ruvchi zararkunandalarga samarali ta'sir qiladi.
• Hasharotlarning oziqlanishiga tez barham beradi.
• Tashqi muhit sharoitlariga bog'liq bo'lmagan holda samaradorlik (10°C dan 29°C gacha haroratda samarali, quyi namlikda ham faolligini saqlaydi, yomg'irga bardoshli, 6-8 haftagacha davomli kimoyaviy samara).
• Havo harorati yuqori daraja bo'lganda ham zararkunandalarga qarshi ta'sirini davomiyligi kamaymaydi.
• Yomg'ir yoqqanda ham yuvilib ketmaydi, quyosh nuri ta'sirida kam parchalanadi.
• Zararkunandalarga purkashdan tashqari tuproq orqali ildizdan ishlov berib, zararkunandalarga qarshi ishlatish mumkin.

Qo'llash muddati:

Preparat ekinlarning faol o'suv davrida zararkunandalar rivojlanishining boshlang'ich fazasida qo'llanilsa, yuqori samara beradi. Preparatni ekin turlariga qarab 2 marta 15 kun oralatib qo'llash mumkin.

Ta'sir qilish mexanizmi:

Hasharotlarga bevosita va ozuqa orqali ta'sir etib halok qiladi, shu bilan birga, markaziy nerv sistemasini falaj qilib, oziqlanishdan qoldiradi va halok bo'ladi. Qo'llanilganidan keyin yo'mg'ir yoqqanda ham yuvilib ketmaydi va quyosh nuri ta'sirida kam parchalanadi. Tavsiya etilgan me'yorlarda ishlatilishi, o'simliklarga salbiy ta'sir etmaydi.

Ishchi eritmani tayyorlash tartibi:

Ish boshlandan avval bak, shlang va purkagich tozaligini, shuningdek, purkovchi uskunaning ishga tayyorligi tekshiriladi. So'ngra purkagichdan suv o'tish miqdori bir meyordaligi va bir gektarga sarflanadigan ishchi eritma miqdori me'yori aniqlanadi. Ishchi eritmani purkashda ishlov berilayotgan yuzaga ishchi suyuqlikning bir tekis taqsimlanishiga erishish lozim. Bakni yarmi suv bilan to'ldiriladi va preparatning aniq miqdori qo'shiladi. Ishchi eritma sarfi gektariga 400-500 litrga teng.

Preparat samaradorligi:

Insektitsid o'z muddatlarida sifatli qo'llanilganda, zararkunandalarning ekinlarga keltirgan zararini oldini olish hisobiga, insektitsid qo'llanilmagan maydonda nisbatan 35% gacha hosildorlik oshishi mumkin.

Xavfsizlik choralari:

Saqlash muddati: Qadoqlangan holida 2 yil.

Preparat 0°C dan yuqori va +30°C dan past bo'lgan haroratda pestitsidlarni saqlash uchun mo'ljallangan, quruq va salqin joyda saqlanishi kerak. Preparatni qo'llash va saqlash ishlab chiqaruvchi va sotuvchi kompaniyaning nazoratidan tashqarida bo'lganligi sababli, mos bo'lmagan sharoitlarda saqlanishi va no'tog'ri qo'llashdan yuzaga keluvchi zararlarga ishlab chiqaruvchi va sotuvchi kompaniya ma'sul emas.

Sarf Me'yori va qo'llash tartibi:

Ekin Turi	Zararkunandalar	Sarf Me'yori l/ga	Qo'llash muddati	Terimgacha qo'llash muddati (kun)	Mavsumda necha marotaba qo'llanishi
G'o'za	Go'za tunlami, oqqanot, shira	0,3-0,4	O'simliklarni o'suv davrida purkaladi	30	2
Pomidor	Shira, oqqanot, trips, shira	0,4-0,5	O'simliklarni o'suv davrida purkaladi	30	2
Baqlajon	Oqqanot	0,6	O'simliklarni o'suv davrida purkaladi	30	2
Bodring	Oqqanot	0.6	O'simliklarni o'suv davrida purkaladi	30	2
Shaftoli	Shira	0.6	O'simliklarni o'suv davrida purkaladi	30	2
Balg'ari	Oqqanot	0.6	O'simliklarni o'suv davrida purkaladi	30	2
Olma	Shira, olma mevaxo'ri, bargo'rar qurtlar	0.6	O'simliklarni o'suv davrida purkaladi	30	2